қауіпті радиоактивті зақым зонасы

(Зона опасного радиоактивного поражения)

сыртқы шекарасында радиация дозасы толық ыдырағанға дейін 1200 Р, ал жарылыстан бір сағаттан кейін радиация дәрежесі 240 Р/сағ., 10 сағ-тан кейін – 15 Р/сағ болатын аумақ. Қ.р.з.з. бұлт ізі аумағының шамамен 8–10 пайызын құрайды. Радиация дозасы уақыт өткен сайын бәсеңдейді. Адам бір тәулік ішінде толық ыдырағанға дейін радиация дозасының жартысын алады. Зақымданған аумақта аз уақыт болғанның өзінде адам ауыр зақымдануы мүмкін. Адамдар дер кезінде қорғаныс ғимараттарына паналау және жеке қорғаныс құралдарын пайдалануы қажет.